ՆՈՐՈՒԹՅՈՒՆՆԵՐ

Հարգելի բարեկամներ

Ուրախությամբ հայտնում ենք, որ մեր գրասենյակն աստիճանաբար ընդլայնում է իր հնարավորությունները՝ այդ թվում և գործընկերային հարաբերությունների հաստատման միջոցով:

Այսուհետ փաստաբան Մինաս Մուրադյանը հանդիսանալու է մեր գրասենյակի գործընկեր-փաստաբան և իր մտավոր ու փաստաբանական կարողությունները գրասենյակի միջոցով ծառայեցնելու է մարդու իրավունքների պաշտպանության գործին:

 

Կարդալ ավելին...

Հարգելի Պարոն նախագահ

2016թ․հուլիսի 3-ին Տավուշի մարզում տեղակայված զորամասի մարտական հենակետում, ըստ պաշտոնական վարկածի, հայտնաբերվել է որդուս՝ նշված զորամասի   պարտադիր ժամկետային զինծառայող Արսեն Արթուրի Մխիթարյանի դին՝ ծնոտի շրջանում մահացու հրազենային վնասվածքով:

Դեպքից անցել է շուրջ 7 ամիս, սակայն հանցագործությունը մինչ օրս բացահայտված չէ։

Ես վստահ եմ, որ որդուս մահվան գործում կան մեղավորներ։

Անցած 7 ամիսների ընթացքում այդ մասին մի քանի անգամ մանրամասն կերպով հայտնել ենք նախաքննության մարմնին։ Ավելին, հայտնել ենք կոնկրետ անձանց անուններ, ովքեր, իմ խորին համոզմամբ, առնչություն ունեն իմ որդու մահվան գործում, սակայն ապարդյուն։ Որևէ առաջընթաց չկա։

Կարդալ ավելին...

Սիրելի՛զորակոչիկներ

ՀՀ նախագահի 11.11.2016թ. թիվ ՆՀ-1138-Ն հրամանագրի համաձայն` սույն թվականի հունվար ամսին կիրականացվի Հայաստանի Հանրապետության արական սեռի այն քաղաքացիների պարտադիր զինվորական և այլընտրանքային ծառայությունների ամառային զորակոչը, որոնց18 տարին լրանում է մինչև 2016 թվականի դեկտեմբերի 31-ըներառյալ, ինչպես նաև այն քաղաքացիների, որոնց նախկինում տրված՝ պարտադիր զինվորական ծառայության զորակոչից տարկետման իրավունքը դադարել է մինչև 2016 թվականի դեկտեմբերի 31-ըներառյալ:

Կարդալ ավելին...

Այսօր ՀՀ վարչական դատարանը թիվ ՎԴ/0335/05/16 վարչական գործով բավարարել է մեր գրասենյակի կողմից ներկայացված հայցն ընդդեմ ՀՀ պաշտպանության նախարարության՝ որոշակի գործողություններ կատարելուն պարտավորեցնելու պահանջի մասին:

Կարդալ ավելին...

Ս.թ. հոկտեմբերի 7-ին ՛՛ՀԵՆԱՐԱՆ՛՛ մամուլի ակումբում հրավիրված մամուլի ասուլիսի ընթացքում փաստաբան Ն. Նորիկյանը, անդրադառնալով ս.թ. հուլիս 3-ին  ՀՀ ՊՆ N զորամասի պարտադիր ժամկետային զինծառայող, շարքային Արսեն Արթուրի Մխիթարյանի մահվան հանգամանքներին և հարուցված քրեական գործի ընթացքին, հայտնել է, որ՝

1. Արսեն Մխիթարյանի մահվան գործում կան մեղավորներ, այդ մեղավորները մինչ օրս հայտնաբերված չեն, ավելին, տուժող կողմը խորը կասկածներ ունի, որ ենթադրյալ մեղավորը կամ մեղավորները կարող են ունենալ ազդեցիկ հովանավոր կամ հովանավորներ, այդ թվում և զինված ուժերում, ովքեր անում են հնարավորը կամ ցուցաբերում շահագրգռվածություն՝ Արսեն Մխիթարյանի մահվան իրական հանգամանքները չբացահայտելու համար:

 

Կարդալ ավելին...

Հարգելի բարեկամներ

ՀՀ ՊՆ N զորամասի թվով 6 պարտադիր ժամկետային զինծառայողներ /Շարքայիններ/ մեղադրվում են իրենց վաշտի հրամանատարին ծեծելու համար, որի համար վերջիններիս սպառնում է մինչև 8 տարի ազատազրկում:
Գործը քննվում է ՀՀ Սյունքի մարզի ընդհանուր իրավասության դատարանում:
Ստանձնել եմ նշված զինծառայողներից մեկի՝ Վազգեն Արտյոմի Մխեյանի պաշտպանությունը, ով մեղադրվում է ալկոհոլ օգտագործած վիճակում իր 5 համածառայակիցների հետ վաշտի հրամանատարին շուրջ 10 րոպե ծեծելու մեջ:
Հատկանշական է, որ տրված դատաբժշկական փորձաքննության եզրակացությամբ տուժող սպայի մարմնի վրա որևէ վնասվածք չի հայտնաբերվել, բացառությամբ աչքի տակ առկա կապտուկի, այն դեպքում, երբ մեղադրական եզրակացության մեջ պնդում է արված, որ նշված 6 զինծառայողները, ըստ էության, շուրջ 10 րոպե ծեծել են նշված սպային:
Անհրաժեշտ եմ համարում պաշտոնապես հայտարարել, որ իմ պաշտպանյալ Վազգեն Մխեյանի մասով նշված քրեական գործով հաստատված մեղադրական եզրակացությունում առկա է ակնհայտ կեղծիք: 
Վերջինս ոչ միայն ալկոհոլ չի օգտագործել /Փորձաքննությամբ հաստատվել է/, այլև տեղի ունեցած միջադեպի ընթացքում փորձել է օգնել տուժողի կարգավիճակ ստացած իր վաշտի հրամանատարին:
Քրեական գործի նյութերի ուսումնասիրությունը ցույց է տալիս, որ իրավասու մարմինների կողմից առանձնակի ՛՛Ջանասիրություն՛՛ է ցուցաբերվել թվով 6 շարքային զինծառայողներին ծանր հանցագործության մեջ մեղադրելու և երկար տարիներով ազատազրկման դատապարտելու համար, այն դեպքում, երբ ակնհայտ է, որ եթե ՛՛տուժող՛՛ սպան ցուցաբերեր հրամանատարին վայել կեցվածք և ժամանակին ձեռնարկեր իր իրավասություններից բխող քայլեր, այսօր նշված զինծառայողները չէին հայտնվի վանդակաճաղերից այն կողմ:
Մեր փաստաբանական գրասենյակը հետամուտ է լինելու այս գործում արդարության վերականգնման համար:

ՀԱՐԳԱՆՔՈՎ՝
ՓԱՍՏԱԲԱՆ՝ Ն. ՆՈՐԻԿՅԱՆ

Հետադարձ կապ






Կապը մեզ հետ

icon2 +374 10 52-73-83, +374 93 51-11-00

icon3 Ք. Երևան, Արշակունյաց 2Ա,
         Մամուլի շենք/, 5-րդ հարկ, 515 սենյակ

icon1Այս էլ. փոստի հասցեն պաշտպանված է սպամ-բոթերից: Այն տեսնելու համար անհրաժեշտ է միացնել JavaScript

 

Բոլոր իրավունքները պաշտպանված են: Մեջբերումներ անելիս հղումը nexlex.am-ին պարտադիր է: Գովազդների բովանդակության համար կայքը պատասխանատվություն չի կրում: Էլեկտրոնային հասցե՝ Այս էլ. փոստի հասցեն պաշտպանված է սպամ-բոթերից: Այն տեսնելու համար անհրաժեշտ է միացնել JavaScript
Կայքի դիզայնը և ծրագրավորումը՝ ArMuNa Studio
Яндекс.Метрика